O Centro de Iniciativas e Turismo de A Pontenova adiantou a gran distinción da Festa da Troita de 2017.
A Troita de Ouro será para a Selección Española de Pesca a Mosca que se proclamou Campioa do Mundo este ano en Colorado (EEUU). O equipo está formado por David Arcay, Pablo Castro, Jordi Oliveras, Ivan Verge, Francisco Javier Llamas e Manuel Alvarez.
Javier Rois, Presidente do CIT pontenovés afirma que a organización quere destacar os valores deportivos e humanos destes cinco competidores en favor da pesca sostible por iso os distinguen co máximo galardón da Festa da Troita da Pontenova 2017.
Dase a curiosa circunstancia de que este ano Pablo Castro “O Bombeiro” e anteriormente David Arcay xa foran distinguidos coa insignia a nivel individual polo que serán os primeiros e ter dúas. Sen dúbida, moi merecido en ambos casos.
O CIT de A Pontenova da por feita a presenza no seu concurso de case todos os campións da selección pois catro deles xa teñen confirmada a súa participación no Open do Xallas organizado por Salmo. Quen si xa confirmou a súa presenza é o Capitán da Selección, Vicente Aranda, sen dúbida motor principal do equipo. E postos a confirmar participantes, David García Ferreras tamén estará na Pontenova.
A falta de confirmación oficial, o Open do Xallas terá lugar o xoves 27, venres 28 e sábado 29 de abril de 2017 e a Festa da Troita da Pontenova será o domingo 30 de abril e o luns 1 de maio (o 30 terá lugar o acto de entrega da insignia e a lectura do Pregón, e o domingo 1 de maio disputarase o concurso de pesca).
Estamos ante una oportunidade histórica. Ademáis doutros campións que tamén participan no Xallas, ter á Selección Campioa do Mundo de Pesca a Mosca no Open de Salmo e acto seguido telos competindo no río Eo no Concurso de Pesca a Mosca e recibindo a Insignia de Ouro da Festa da Troita será un aliciente máis para ambos concursos e seguro que movilizará a moitos pescadores galegos a seguilas evolucións destes campións.