X XORNADAS DE LIMPEZA E RETIRADA DE RESÍDUOS NOS RÍOS DE ROIS

O pasado sábado día 2 levouse a cabo a primeira cita das "X XORNADAS DE LIMPEZA E RETIRADA DE REFUGALLOS NOS RIOS DE ROIS" que organiza dende hai dez anos de maneira ininterrumpida o Club de pesca deportiva LONDRA de Rois. Logo da concentración de participantes, entre os que se encontraban socios do Clube, compoñentes do Club W. La Torre de Padrón, da Sociedade Caza e Pesca de Padrón, representantes de empresas da zona e voluntarios que nada teñen que ver coa pesca, pero que ven en estas xornadas unha boa iniciativa. Dispuxeronse estos a recoller e retirar toda clase de refugallos das marxes e contorno do río Rois. Repartidos en parexas e por tramos, durante duas horas afanaronse en deixar as marxes do Rois en perfectas condicións, obxetivo que conseguiron sin duda, pois o Rois, despois de dez anos retirando lixo das suas marxes, xa mostra unha imaxe moi decente, exceptuando algúnha zona donde se acumulan os residuos que se desprazan polo seu cauce por mor das enchentes. Recolleron os participantes moito menos lixo que en anos anteriores o que demostra a concienciación cidadá depositando o lixo nos lugares habilitados para o mesmo. Cabe destacar entre plásticos, botellas, etc, a retirada dun calentador de auga, unha bicicleta e un plástico dun invernadoiro, este último arrastrado polas enchentes sufridas nos últimos dias, tamén se retirou un sedal durminte, acontecemento que se puxo en coñecemento da guardería do couto de Rois para o seguemento e erradicación de estos actos de furtivismo. Foron retirados aproximadamente douscentos quilos de lixo. Logo do remate, os participantes disfrutaron dunha merecida merenda na Taberna O Pemento de Seira, xentileza do Club Londra.
A seguinte cita destas xornadas levarase a cabo o día 23 de febreiro, no cal afrontaran a limpeza do río Valeirón, concentrandose previamente na Ponte de Basa as 16:00 horas.
O Club Londra agradece a participación de Socios, colectivos de pescadores, empresas e voluntarios que os acompañaron.

volver a índice de especiales