|
O Concello de Ordes
ante a denuncia de mortandade de troitas acaecida no rio Mercurín ao
seu paso polo casco urbano quere manifestar:
1.- Este Concello ten aberta unha investigación sobre esta
incidencia.
2.- A Policia Local levantou un atestado no que se constata que non
houbo fugas de cloro da piscina municipal nin se visiona nin se
constata ningún tipo de incidencia na transparencia da auga do río
no cal se observan troitas vivas no seu leito.
3.- O Concello quere saber con exactitude o axente que provocou a
mortandade enviando mostras para seu estudio toxicolóxico.
4.- Mentres non se sepa con precisión pódese sospeitar dunha orixe
agrícola anterior ao Campo da Feira, punto onde aparecen mortas
troitas.
5.- O Concello non vai a tolerar ningunha agresión ao medio
ambiente, como así ven de manifiestar coa continua análise de augas
e os peches de vertedoiros incontrolados.
6.- Manifestamos que ante calquer verquido ou indicio contaminante
os veciños e veciñas de Ordes o comuniquen o máis rápido posible á
Policia Municipal para actuar con prontitude e poder minimizar os
seus efectos contaminantes.
7.- O Concello de Ordes ten unha especial sensibilidade no coidado
do medio ambiente. Este tipo de actuacións cáusanos un profundo
malestar e adicaremos os nosos esforzos á prevención e erradicación
deste tipo de sucesos. |
