Foron 46 os pescadores que se deron cita no encoro de Portodemouros para participar no II Maratón de Pesca por Parellas organizado por Deportes Remanso de O Pino.
Nunha xornada marcada polas altas temperaturas, os participantes, organizados por parellas, competiron capturando tanto escalos como troitas. En total obtivéronse 35 quilos de escalos e 5 de troitas. En escalos, a parella gañadora foi “Os de Quión” formada por Iván Tojo e Esteban Tojo. En segundo lugar clasificáronse “Arrasadores da escama”, Antonio Regueiro e Juan M. Sánchez, e en terceiro lugar “O Peixe”, Alfonso Garrido e J. Manuel Ramos.
En canto á modalidade de troita, o primeiro premio recollérono “Ranqueiro”, Manuel Costa e J. Manuel Rey. En segundo lugar situouse a parella “Dream Team”, formada por Antonio Suárez Iglesias e Luis Cea e en terceiro lugar “Os de Quión”, Iván Tojo e Esteban Tojo. Todos eles obtiveron o seu correspondente trofeo así como diferente material de pesca.
Segundo Ramón Carril, organizador do Maratón, “a valoración é sumamente positiva, posto que era a segunda vez que se organizaba unha iniciativa destas características que foi moi ben acollida polos pescadores. Estou moi agradecido a todos pola súa participación e o bo ambiente e o compañerismo que se crea durante a competición. Espero repetir este evento máis veces no ano e incluso crear unha liga de pesca, algo no que xa estou a cavilar”. Así mesmo, o responsable de Remanso aproveita para agradecer a todos os patrocinadores a súa colaboración.

19 XUÑO-ENCORO DE PORTODEMOUROS
ORGANIZA E PATROCINA: REMANSO CAZA E PESCA

HORARIOS:
XUNTANZA AS 08:00 H
COMEZO CAMPIONATO AS 08:30 H
REMATE CAMPIONATO AS 13:00 H
ENTREGA DE PREMIOS AS 13:30 H

INSCRIPCIÓN: 12 EUROS
-INCLUE: SEGURO DE RESPONSABILIDADE CIVIL, BOCADILLO, FROITA, BEBIDA
-PRAZO DE INSCRIPCIÓN: ATA O DÍA 18 DE XUÑO
-LUGAR DE INSCRIPCIÓN: REMANSO CAZA E PESCA (Tlno: 981 511 380)

PUNTUACIÓN:
TROITA: 250 PUNTOS POR CADA PEZA + 1 PUNTO POR GRAMO
ESCALO: 1 PUNTO POR GRAMO

PREMIOS:
1ª PARELLA TROITA: TROFEOS + 2 CAÑAS SHIMANO DIAFLASH ST-A 1´80L
2ª PARELLA TROITA: TROFEOS + 2 CAÑAS SHIMANO CATANA BX-TE 1´80L
3ª PARELLA TROITA: TROFEOS + 2 CAÑAS LINEAEFFE RAPID SPIN 1´95
1ª PARELLA ESCALO: TROFEOS + 2 CAÑAS TUBERTINI VITORIA 600 COMPETITION
2ª PARELLA ESCALO: TROFEOS + 2 CAÑAS VERCELLI OXYGEN LIMITS 600
3ª PARELLA ESCALO: TROFEOS + 2 CAÑAS COLMIC REFLEX 600
MAIOR TROITA CAPTURADA: TROFEO + SURTIDO DE MATERIAL DE PESCA

DURANTE O TEMPO DE CAMPIONATO CADA PARTICIPANTE PODERA PESCAR TANTO TROITAS COMO ESCALOS AINDA QUE A PUNTUACION FINAL SERA POR SEPARADO (TROITAS-ESCALOS).
 

NORMAS XERAIS:
-É NECESARIO TER A LICENCIA DE PESCA DEPORTIVA DE RÍO
-OS MENORES DE IDADE DEBEN ESTAR ACOMPAÑADOS POR UNHA PERSOA MAIOR DE IDADE QUE NON ESTE PESCANDO
-PERMITESE CEBAR AS AUGAS CON ENGADOS VEXETAIS OU PENSOS.
-PODESE PESCAR TANTO CON CEBOS ARTIFICIAIS COMO CON CEBOS NATURAIS, AGAS TODO TIPO DE OVAS DE PEIXES OU PEIXE NATURAL VIVO, MORTO OU EN ANACOS.
-AUTORÍZASE O EMPREGO DE DÚAS CANAS DENDE A BEIRA E A UNHA DISTANCIA MAXIMA DO PESCADOR DE TRES METROS.
-SOAMENTE PUNTUARÁN AS TROITAS QUE MIDAN COMO MÍNIMO 23 CM.
-UNHA VEZ QUE O CONCURSANTE TEÑA CAPTURADO O NUMERO DE TROITAS AUTORIZADO ( 5) , REMATARÁ NA ACCIÓN DE PESCA
-PODENSE PESCAR ESCALOS DE TODALAS MEDIDAS E SEN LIMITE DE CAPTURAS
-AS CAPTURAS SERÁN PRESENTADAS Ó PERSOAL DA ORGANIZACIÓN AS 13:00 HORAS. A CONTINUACIÓN PROCEDERASE A MEDIR E PESAR AS PEZAS CAPTURADAS.
-OS PESCADORES QUE QUEBRANTEN O EXPRESADO NESTAS NORMAS, SERÁN DESCALIFICADOS.