|
O mércores 3 de
setembro, nun operativo no que participaron dando apoio e
proporcionando información membros da Sociedade de Caza e Pesca
Xuvia, foi identificado e denunciado un furtivo que se atopaba
pescando con artes de pesca submariña no río Xuvia.
A hora da denuncia foi aproximadamente as 23:30 h.
O lugar do apreixamento foi a zona da Ponte de Vieiras, situada na
Parroquia de Pedroso, concello de Narón (A Coruña)
No momento de darlle o alto, o furtivo portaba un completo equipo de
buceo con traxe de neopreno, sistemas de iluminación de gran
potencia, gafas de bucear e fusil de pesca submariña. Estes dous
últimos elementos foron arroxados ao río durante a persecución
posterior e no momento de redactar este comunicado a gardería está a
buscalos no fondo do cauce fluvial.
Decomisóuselle tamen unha bolsa de rede, que se ben no momento da
detención non contiña peixes, non é aventurado supoñer que foran
arroxados ao río durante a persecución.
Este suxeito foi identificado por axentes do corpo de Policía
Nacional da comisaría de Ferrol-Narón que se presentaron no lugar
dos feitos.
Reseñar que o individuo en cuestión (coñecido nos ambientes de pesca
como Couce) é segundo fontes de Medio Rural un vello coñecido da
gardería de varios ríos galegos entre os que se atopan o Eume (de
onde é nativo), o Mandeo e o Lambre. Así mesmo foi tamen denunciado
en varios ríos asturianos por estas practicas furtivas.
A nosa noraboa á gardería de Medio Rural, que non escatimou en
medios e rapidez de actuación pola captura deste perigoso depredador
fluvial.
Esta felicitación faise extensiva aos socios que deron cobertura
loxística e información para poñer fora de circulación a este
perigoso delincuente medioambiental.
Poñer énfase en que estes comportamentos, aparte de ser moralmente
censurables, están considerados falta moi grave na lexislación de
pesca fluvial. Por outro lado consideramos que o feito denunciado
sería constitutivo de delicto medioambiental por perpetrarse en
época de veda.
Finalmente poñer de manifesto, que esta sociedade fará todo o
posible por desterrar estes comportamentos do río Xuvia, colaborando
coa gardería para este fin. |
